Farewell

Kuch lamhe jinki koi yaad nahi hoti
Aur kuch,jo yaadein banker zindagi ka hissa ban jate hai
Pal-pal karte karte jane kitne kal aaj banker aankhon se ojhal ho jate hai
Jo dilo par dastak dekar kabhi hothon pe muskan to kabhi aankhon se aansu banker beh jate hai….....................

Abhi to nikle the hum gharon se dilo mein liye armano ka sagar
Naye din,.nayi raat,Naye log,nayi baton ke khwab sajakar
Aaye to hum sabhi akele the yahan,par ja rahe ek pyara sa pariwar banakar, Sabhi rishton se rehkar door,jod kar itne naye naatein
Ye to thi sab kal ki baatein,jo ban jaayegi ab bas yaadein

Inhi 4 saalon ki kuch yaadein
Shuru hokar kabhi na khatm hone wali hamari bina sir-per ki baatein
Raat ke 3 baje food hunt par nikal jana

Mathri ,aachar,laddoo,bhujiya se mehfile sajana

Har room me bajta loud music,Aur kabhi bhi dance party shuru ho jana
Assignment karne me kahi na dikhana dilchaspi,Par phoonk,zindagi rocks jaisi movies dekhar apna kartavya nibhana

EG ki drawing sheet me raat raat bhar apna matha pachana,Surprise quizzes ki bhanak tak par subah 6 baje hi jakar sabse peeche baith jana

Lecture ke 10 minute ka hone par hi shuru ho jana hamara chillana
Aur teachers ke na manne par bina birthday hi hbd song gana
1st sem se 8th sem tak har din khud se kiye hue ”aaj se padhungi” ke kabhi na poore hone wale waadein
Ye to thi sab kal ki baatein,jo ban jaayegi ab bas yaadein.........

Miss fresher ka humein bhera mankar har cheez isharo se samjhana
‘me bhi kangaal,tub bhi kangaal’kehkar apne chir parichit andaaz me jhumna shuru ho jana
Vinti ki simplicity aur praful ke andaaz me todna English ki taang
Aur apni shandaar sketching se sabki tareef pana
Ankita ki lajawab photography,aur funny dance ka dhamal
Par har cheez me perfection ki chahat se karna hamara bura haal
Shaina ka debu ki phoonk se hi ud jana,har birthday par apni chakar-chakar se sabka matha khana,Apne technical fundo se teacher ko challenge kar aana,seedhiyon se aate jate gana gakar sabka dil churana

Aastha ka movie colletion aur personality me drastic change lana
Ruhi ka exam time me syllabus me 10 naye topic badhana,hamesha follow karna new trends aur apne bindaas nature se kahi bhi cha jana
Arunima ka classical dance aur chuttiyan bhi hostel me bitana
Neetika ka room navratri me mandir ban jana,Badi Neha ka apni duniya me hi khoye rehna ,par ek perfect roomi ka har farz nibhana
Parul ki seeti,pajamo ko shorts banana,Padhai ho ya masti,har cheez me apna 100%de jana,Moti neha ka gini-chuni classes me darshan dekar sabko dhanya kar jana

Khushbu ka ec ho ya cs sabko padhana,Kisi ki bhi tabiyat kharab hone par dr. sahib banker aa jana,Isi tarah Hai ye mushkil kisika bhi samajh pana ,ki isne kyu di hostel me fees jab library me hi tha ghar basana
hamari lado rashmi ka apni surili awaz me sabke kaan faad jana
tash khelne ke liye jabardasti 2-2 baje tak sabko jagana
kaanch ka rakhna dil,par majboot se majboot cheez ko kaanch ki tarah bikher jana,“if I say I love u then what will you say” jaisi mahaan rachnayein banana, Shilpi ki har teacher ki wo original copy karna
Aur apni dresses se parties me point of attraction ban jana

Prity ki with actions detail me kahaniyan sunana

Aur har kaam me puri tarah doob jana
Akanksha ka ajay sir ke dance ko karna copy
Aur apni popat hone par ab aise karogi tum kehkar has jana
Anisha ka kabhi na karna follow dresscode
Aur last seat par baithkar su-do-ku champ ban jana
Chawla dekhne me lagti hai bachhi , iska badi se badi responsibility nibhana,Par EG ki sheet,graphs aur assignment tak dusro se karana
Deeksha ka hamesha Remote apne hath me le lena,Newspaper ki deewani ,aur hamesha GK update rakhna
‘Tumhari adaon pe me wari-wari’se saumya ka apne danc ke jalwe dikhana,Aur exam time me first building ko hi apna basera banana
Mudita ka books aur novel ke sansaar me kho jana
Ajanta ka apni comm. Skill se sabko impress kar jana

Chavvi ka pure NV mind,aur hansa ki gajab dhane wali adayein
Harsha ki damdaar poetry,all the time rakhna face par smile
Juhi ka rocking dance,aur bindaas style
Surbhi ka poster making me bhi rakhna 1-1 mm ka bhi dhyan
Priya ka robotics gyan,cute smile r cute face se banati har jagah pehchaan, neha ka hamesha pink me paya jana, aur arpita ka dheere se pyara sa muskurana,mughda ka kitabon se gehri dosti rakhna

Tavleen,ek Punjabi kudi,jo chehre se lagti sundarta ki dukan
Par dil me rakhti shaitaniyon ka toofan, Sexy tejwani ka net se ataydhik pyar,Swati garg ka CAT ho ya GRE ,har jagah dena success ka jhanda gaad,Hajela ka sweet behavior aur rehna hamesha sincere

Shilpi ka sharp mind , cool attitude aur tension free nature
PC me hoti jab koi problem to nisha hi hoti hai best solution
Mehndi ka hai ise bada craze,red hat linux me she is gr8

Shweta hindi sahitya ki mallika,laad pyaar me hi pali rajkumari
Kisse,kahaniya aur ideas ki rakhti hai bhari hui almari
Har cheez ke liye uska ” gifted hai” kehkar man hi man khush ho jana
To kabhi kabhi bathroom se hi hanste hanste kamre me aana
Aur poochne par “are mujhe ek baat dhyan aa gayi” kehkar apne parivar ke kisse sunana

Shradha ka hamesha breakfast miss karna
Kyunki jane kyu raat raat bhar hota hai ise jagna
Har situation ke liye dhund nikalna apt gane
Aur bas lapi bajta rahe iske liye banati hai playlist,jisme hote hai tracks anjane,Hai pyari si bachhi par khud ko bahuuuuuuut samajhdar dikhana
Chulbuli aur shaitan, hamesha idhar udhar fudakkar iska hamari dance teacher ban jana

Pandey, besteeeeeeeest dancer,jane time management kahan se sikh ke aati hai,Great dancer,sweetest boss,sincere junior,responsible co-ordinator,bindaas wingmate,lovely roommate…………… .............

Uff !!!!jane sare role kaise nibhati hai
Kisi ki bhi ho tabiyat kharab hone par baar baar puchne jati hai
Par jab bhi karna ho geyser on kisi aur ko hi bhulati hai

Balig Pooji hamari ,gori gori baki chori
Smartest kapdo ka khazana,har baat pe bolti thank u aur sorry
Kabhi rehna iska ekdum bindaas to kabhi karti duniya ki sari tension
Inhi baton me kaise na ho iske mast bindaas PJs ka mention
Yaar ankh hi nahi khuli kehkar class me pahuchna late hamesha
Phone to kahi bhi bhool aana ban gaya tha iska pasha

Kavi ka Kavitaaaaaaaaa bulaye jane par ghussa dikhana
Exams me alarm lagakar jaldi sona aur subah uthna bhool jana
Maje se dekhna horror movie aur phir sari raat darr me bitana
Teachers ki har ek harkat ko karna notice aur phir unhi ke samne karke dikhana,College me naye dhamake karne ka dimag me chalta rehta plan
Har party me rajasthani dance karke badhati rajasthaniyon ka maan

Anshul ,my god,isse bada alsi na koi hua hoga,na hai,na aayega
Kaun hai wo jo apni tareef karke khud ko chane ke jhad pe chadayega
Sirf ek hi logical jawaab se samne wale ke mooh par tala laga dena
Aur teachers se ekdum ulta ,har nontechnical cheez ko bhi technical terms me samhjhana,Sapne me underroot ke neeche se cycle nikal jana
Aur koi isse bhi patla hai ye sunne ke liye har sambhav prayatna lagana

Sonal bhaiya lekar paida huyi hai kut kutkar dimag
Bachon si pyari awaz,par jab dikhayein apne jalwe,to sab maidan chod kar jaye bhag,Rakhna iska perfection me believe,aur choti se choti cheez ka bhi rakhna baatkar khane me vishvas,Kabhi na room me paya jana,aur mess me bhi etiquettes dikhne par majboor kar jana

Richa ka hamesha har kaam me late ho jana aur phir bas 2 min kehkar sabse wait karana,Jane kaunsi cement se irade banana
50 baar cancel hone par bhi phir se plan banana
Ek aur sazish dhundne me hamesha dhyan lagana
Iska nachna usi masti ke sath,chahe baja do koi bhi gana

Debu, mujhe koi pyaar nahi karta ,meri moti moti tange hai,
me ek chota haathi hoon, inhi pyari batton se sabka dil jeet jana
One of the sweetest and cutest gal, jisko aata hai roto ko bhi hasana
Iski pyari pyari masoom harkato se darker rashmi,priya ka bhag jana
Ekdum solid wali bullwalk karna ,par bachon ki tarah gulabjamun par marjana,Apne concepts special nv tadke me chokkar pakana
Aur lajawab poems se sabki engg. Life ki kahani padh jana

Neha ke gano ke best collection se apne gane badhana
Night suit me bhi aayi mast photo dekhkar sabka jal jana
Isko neend se utkar aata dekh sabka bhag jana
Choti lagti ho bhale dikhane me, par apni samajhdari se sahi raah dikhana,Dil se ekdum saaf, apne emotions kabhi na chupana
Chahe kuch bhi ho jaye neha, hamesha yu hi muskurana

Shilpa, a very sweeeeeeeeeeeet n lovable grl,Hanste hue kuch jyda hi pyari lagna,thakte hue bhi kabhi kisi ko kuch kaam ke liya mana na karna
poems ek dam dil se ahsaason ke saath likhna ,chai ke bina ek pal bhi na rahna, rona ate hue bhi aansoon ankhon main hi chupana
exams time main pahle sona aur phir raat ko jagkar padhna
ek dum bindas,mast, paresaniyon ko hamesha apne se door hi rakhna
dear shilpa Chahe kuch bhi ho, apne aap ko kabhi na badlna

Ye thi kuch baatein, jo ban jayegi ab meethi si yaadein
Ab jeevan ke mod par, ek anjani ant heen daud par
Nayi manjeelo ki talash me, nayi duniya ki aas me
Chal padenge hum phir akele is safar par
Peeche chodkar saari baateinKuch rahe na rahe sath,

yuhi sath chalti rahengi ye yaadein ………………………